Kremasyon o Libing - Paano Magpasya?

Kapag nagpapasya ng serbisyong panglibing para sa iyong mahal sa buhay, isa sa pinakamahahalagang tanong na haharapin mo ay kung nais mong ipa-cremate o piliin ang tradisyonal na paglilibing.

Maaaring mahirap magpasya sa pagitan ng cremation at paglilibing dahil kabilang dito ang mga personal at kultural na paniniwala, gayundin ang mga praktikal na pagsasaalang-alang. . Sa nakalipas na 10 taon, sumikat ang cremation at nalampasan nito ang paglilibing bilang mas pinipiling opsyon. 

Bagaman inaatasan ng ilang relihiyon, gaya ng Hinduismo, ang cremation, at nag-uutos naman ang iba, gaya ng Islam, ng paglilibing, may iba pang mga salik na dapat isaalang-alang.

Nangalap kami ng ilang impormasyon na sana ay makatulong sa mahirap na pagpapasyang ito. Simulan na natin...

Ano ang pagkakaiba

Simulan natin sa pagtalakay sa ilan sa mga pagkakaiba ng cremation at paglilibing. Kapag sinusunog ang katawan sa cremation, nagiging abo at maliliit na buto ang natitira. Sa paglilibing, nananatiling buo ang katawan.

Mga urn para sa abo ng Eternity ng Pulvis Art Urns - bumili rito

Maaaring isagawa ang paglilibing at cremation kaagad pagkamatay, pagkatapos ng tradisyonal na seremonya ng libing o bago ang serbisyong pang-alaala.  Maaari namang itago ng pamilya at mga kaibigan ang mga abo, ikalat ang mga ito, ilibing sa lupa, o ilagay sa isang kolumbaryo. Sa dalawa, walang alinlangang mas matipid ang cremation.

Mga gastos sa cremation at paglilibing

Ang karaniwang gastos sa paglilibing ay nasa pagitan ng $7,000-$10,000, ngunit sa mga marangya o mas malalapad na kabaong, maaaring mabilis na tumaas nang husto ang presyong ito. May mga kabaong pang nagkakahalaga ng sampu-sampung libong dolyar.

Isa pang gastusin na kailangan mong isaalang-alang ang lote sa sementeryo. Maaaring mula ilang daan hanggang ilang libong dolyar ang halaga ng mga lote. Kapag binisita mo ang puntod ng iyong mahal sa buhay, gugustuhin mong maging maganda ang sementeryong iyong bibisitahin.

Karaniwang mas mura ang cremation kaysa sa paglilibing dahil hindi ito nangangailangan ng kabaong, lote sa sementeryo, o pag-eembalsamo. Gayunman, maaaring magkapareho ang halaga ng seremonya ng libing o pag-alaala para sa dalawang opsyon.

Humigit-kumulang $1,000 ang karaniwang halaga ng isang lote sa US, ngunit madaling umabot sa mahigit $8,000 ang halaga ng lote sa mas eksklusibong sementeryo, o maging daan-daang libong dolyar para sa mosoleo ng pamilya. Sa mga lungsod, kumokonsumo ng napakahalagang espasyo ang mga sementeryo, kaya mas mahal ang mga lote.

Kapag nagpaplano ng tradisyonal na paglilibing, kailangan mong mag-ayos (at magbayad) para sa ilang magkakaibang bagay, kabilang ang:

• Bayad sa Serbisyo
• Transportasyon
• Pag-eembalsamo
• Pasilidad
• Kabaong
• Lote sa Sementeryo

Sa kabilang banda, inaalis ng cremation ang hindi bababa sa kalahati ng mga gastusing ito at ang abalang dulot ng pag-aasikaso sa mga ito. Para magkaroon ng ideya, humigit-kumulang $1,000 lang ang karaniwang halaga ng cremation.

Ang Kapaligiran - Makakalikasan ba ang Cremation?

Karamihan sa mga kabaong ay hindi talaga makakalikasan. Bagama't karaniwang gawa sa kahoy ang mga modernong kabaong, nilalagyan ang mga ito ng mga kemikal at tinatakpan ng pandikit na tiyak na ayaw mong tumagas sa lupa. Marami ring kabaong ang nilalagyan ng artipisyal na materyales na hindi nabubulok. Samantala, ang cremation ay hindi kumokonsumo ng espasyo o dumudumi sa lupa.

Mas maliit ang epekto ng cremation sa kapaligiran kaysa sa paglilibing dahil hindi ito nangangailangan ng paggamit ng lupa, pag-eembalsamo, o kabaong. Gayunman, naglalabas ng mga greenhouse gas ang cremation, at maaaring mas piliin ng ilang tao ang mas makakalikasang opsyon, gaya ng berdeng paglilibing.

Para sa mga tagapagtaguyod ng kalikasan at mahilig dito, ang cremation ang pangunahing pinipili.

Hindi lang ito mas mabuti para sa kapaligiran, maaari ring iangkop ang cremation upang maisama ang kalikasan sa seremonya. Ilibing man ang mga abo ng mahal mo sa buhay kasama ng punla ng puno o ikalat ang mga abo sa karagatan, maaaring maging magandang dagdag sa seremonya ang kalikasan sa paraang hindi posible sa tradisyonal na paglilibing.

Urn na may lalagyan ng bulaklak para sa abo mula sa Pulvis Art Urns - mamili na

Pagpapasadya - Mga Urn para sa Cremation

Kapag nagpaplano ng serbisyo ng libing, gusto mong maging natatangi at hindi malilimutan ito gaya ng iyong mahal sa buhay; mahalagang bahagi ng proseso ng paghilom ang makabuluhang serbisyo. Ngunit kung nagpaplano ka ng tradisyonal na paglilibing, maaaring umabot sa libo-libong dolyar ang pagpapasadya.

Pagdating sa cremation, hindi kailangang gumastos nang malaki para sa pagpapasadya. Maaaring idaos ang mga serbisyo ng cremation halos kahit saan, hindi gaya ng tradisyonal na libing, samantalang natatanging mga art urn ay nagkakahalaga lang ng ilang daang dolyar, kumpara sa libo-libong dolyar para sa kabaong. Sa cremation, hindi mo rin kailangang bumiyahe para dalawin ang puntod ng iyong mahal sa buhay; maaari ring ilagay ang alaala niya sa inyong tahanan.

Mga ceramic na urn para sa abo mula sa Pulvis Art Urns - hanapin dito

Mga Kahilingan ng Pamilya - Cremation o Paglilibing ?

Mahalagang isaalang-alang ang mga kahilingan ng iyong mahal sa buhay at ng mga miyembro ng pamilya kapag nagpapasya. Maaari kayong mag-usap tungkol sa mga kagustuhan sa seremonya ng libing at isaalang-alang kung ano ang magiging pinakamakabuluhan at magalang para sa lahat ng sangkot.

Sa huli, nakadepende ang desisyon sa pagitan ng cremation at paglilibing sa mga personal, kultural, at praktikal na salik. Mahalagang maglaan ng oras para isaalang-alang ang lahat ng ito bago magpasya kung ano ang tama para sa iyo at sa iyong pamilya.

Bukod sa makakatipid ka ng pera at oras sa pamamagitan ng cremation, nagbubukas din ito ng mga bagong posibilidad para sa pagkamalikhain na makakatulong talaga sa iyo at sa iyong pamilya na makapaghilom.

Samahan kami sa pagtulong sa mga pamilya na parangalan sa pamamagitan ng sining ang alaala ng kanilang mga mahal sa buhay at mga alagang hayop!
Available na ngayon ang aming Affiliate Program sa https://www.pulvisurns.com/pages/affiliate-program-by-pulvis-art-urns