Walong Dahilan Kung Bakit Pinipili ng Karamihan sa mga Pamilya ang Kremasyon

Bagong kalakaran sa kasaysayan ng USA ang kremasyon. Noong 1970, 4.5% lamang ng mga Amerikano ang pumili ng kremasyon bilang alternatibo sa tradisyonal na libing. Sa ngayon, higit sa kalahati ng mga Amerikano ang pumipili ng kremasyon, at malamang na halos 80% ng mga Baby Boomer ang pipiling ipa-kremasyon.

Sa loob ng isang henerasyon, mula sa pagiging di-popular, naging pinakapinipiling opsiyon ang kremasyon. Ano ang nagbago at bakit naging pangunahing pagpipilian ang kremasyon pagdating sa seremonya sa katapusan ng buhay?

Narito ang walong pangkalahatang dahilan kung bakit pinipili ng karamihan sa mga Amerikano ang kremasyon:

 Pagiging simple ng seremonya

Maaaring palitan ng kremasyon ang mas detalyadong seremonya ng paglilibing sa lupa na kinabibilangan ng kabaong, pagpapasilip sa yumao, mga tagabuhat ng kabaong, at iba pa. Mas maliit ang urn para sa abo mula sa kremasyon o keepsake kaya mas madaling buhatin kaysa sa karaniwang laki ng kabaong. Karaniwang mas simple ang mga seremonya pagkatapos ng kremasyon, pero hindi nangangahulugang hindi gaanong makabuluhan at marangal ang mga ito.

Set ng mga seramikong urn para sa abo na “The Passage” 

 Gastos

Kung ihahambing, mas mura ang kremasyon kaysa sa tradisyonal na libing. Depende kung pipiliin mo ring magsagawa ng seremonya, maaari kang gumastos mula $2,000 - $8,000. Kailangang dalhin ang yumao sa napili mong krematoryo sa loob ng kabaong bilang bahagi ng proseso ng kremasyon. Karaniwang kasama na ito sa halaga ng serbisyo.

Hindi nangangailangan ang kremasyon ng libingan o lapida, at maraming pamilya ang hindi na nagpapabalsamo. Bukod pa rito, karaniwang mas mura ang mga urn para sa abo kaysa sa mga kabaong.

 Mga alalahanin tungkol sa kapaligiran

Sumikat ang kremasyon kasabay ng kilusang pangkalikasan at pagtaas ng kamalayan tungkol sa kalikasan at pag-init ng mundo. Habang higit na pinagtutuunan ng pansin ng mga Amerikano ang pagpapanatili ng kalikasan at ang kahalagahan ng pagprotekta sa ating planeta, dumarami ang pumipili ng kremasyon.

May epekto nga sa kapaligiran ang kremasyon dahil sa mga carbon emission, pero habang umuunlad ang teknolohiya, nababawasan ang epekto nito sa kalikasan. Siyempre, may ilang pagtatalo tungkol dito, pero sa pangkalahatan, mas makakalikasan ang kremasyon.

 Mas personal, hindi gaanong tradisyonal

Bagama't mahalaga pa rin sa buhay ng mga tao ang mga tradisyon ng pamilya at relihiyon, may pangkalahatang tendensiyang lumayo sa tradisyonalismo, o pagsunod sa tradisyon para lamang mapanatili ito. Para sa ilan, karugtong ito ng kanilang mga paniniwala sa relihiyon, at madalas ay pinag-iisipan nang mabuti ng mga tao ang kanilang mga kahilingan.

Set ng mga seramikang sisidlan para sa abo na "Ang Kristo" at "Ang Mahal na Ina" 

Mas pinipili ng parami nang paraming pamilya na ipagdiwang ang buhay ng kanilang mahal sa buhay sa natatangi at personal na paraan. Nagbibigay ang kremasyon ng kalayaan sa mga naulila na pumili ng talagang natatanging sisidlan ng alaala o keepsake para sa kanilang mahal sa buhay. Maraming hugis at materyal ang mga sisidlan ng abo, at iba-iba rin ang presyo ng mga ito.

Pagkakaroon ng espasyo sa sementeryo

Maraming sementeryo sa mga lungsod sa U.S. at sa iba pang lugar, lalo na sa pinakamalalaking lungsod, ang nakararanas ng kakulangan sa lupa at nanganganib nang mawalan ng espasyo para sa higit pang paglilibing sa malapit na hinaharap.

Dahil aabot sa edad na 77, ang inaasahang haba ng buhay, ang 78 milyong Amerikano sa pagitan ng 2025and 2045, kung ililibing ang lahat ng taong ito sa karaniwang mga libingan, mangangailangan ang mga sementeryo sa U.S. ng karagdagang 140 milya kuwadrado, ayon sa isang kamakailang pag-aaral. Isa ito sa mga pangunahing dahilan kung bakit nagiging mas kanais-nais na pagpipilian ang kremasyon.

Pagpapakawala ng mga abo ng kremasyon

Madalas ituring ang pagpapakawala ng mga abo bilang espirituwal na paraan ng pamamaalam. Nagbibigay ito ng pagkakataong alalahanin ang yumao sa paraang natatangi sa kanya lamang. Pagkatapos ng kremasyon, halos walang katapusan ang dami ng lugar na maaari mong pag-isipang pagpakawalan ng mga abo. Maaari ring itago muna ang mga ito sa isang natatanging sisidlan para sa abo at ikalat sa ibang pagkakataon.

 Kakayahang umangkop at makagalaw

Habang lumilipat ang mga miyembro ng pamilya sa mga bagong lungsod sa iba’t ibang panig ng mundo, naging mas mahirap din para sa mga anak na dalawin ang mga libingan ng kanilang pamilya. Madalas mahirapan ang mga magulang na magpasya kung dapat ba silang ilibing malapit sa sarili nilang mga magulang o sa mga anak nila. Kapag lumipat na sa iba’t ibang panig ng bansa ang maraming anak, lalong nagiging mahirap humanap ng lugar para sa pamilya.

Mga alaala para sa abo na yari sa "bato" at may iba’t ibang kulay. 

Natutugunan ng magandang sisidlan o alaala para sa mga abo  ang problemang ito, dahil malayang maililipat ang mga abo ng kremasyon mula sa isang lugar patungo sa iba.

 Donasyon sa agham

Maraming tao ang pinipiling ialay ang kanilang mga katawan sa agham medikal pagkamatay nila. Maaaring mangahulugan ito ng pananaliksik, donasyon ng mga organo, o kombinasyon ng dalawa. Tiyak na nakatutulong sa agham ang pag-aalay ng iyong katawan para sa medikal na pananaliksik, pero maaari rin itong makatulong makatipid nang malaki. Nagbibigay ang mga pasilidad na tumatanggap ng mga donasyon ng libreng kremasyon — na karaniwang nagkakahalaga ng $1,500 hanggang $3,000 — at karaniwang ibinabalik ang mga abo pagkalipas ng ilang linggo.

 ------------------

Samahan kami sa pagtulong sa mga pamilya na parangalan ang alaala ng kanilang mga mahal sa buhay at alagang hayop sa pamamagitan ng sining!

Available na ngayon ang aming Affiliate Program. at https://www.pulvisurns.com/pages/affiliate-program-by-pulvis-art-urns